Marea Cidadá contra os recortes e por unha verdadeira democracia

Unha gran cantidade de colectivos, mareas, movementos, organizacións e todo tipo de entidades estanse a coordinar para esixir unha verdadeira Democracia e facer fronte aos recortes, cada vez máis drásticos, das liberdades e os dereitos sociais, no que se denominou a Marea Cidadá.

Todas estas organizacións están a preparar como primeira acción pública unha gran mobilización cidadá en todo o Estado español. O día elixido para iso é o sábado 23 de febreiro, e Pontevedra súmase a esta iniciativa cidadá dende as 18h horas, con saída dende a Praza de España.

Sairemos á rúa a defender os nosos dereitos e a rexeitar os recortes e as brutais políticas de axuste coas que se canalizan fondos para satisfacer a avaricia dos mercados financeiros e políticos corruptos.

LEMA: Marea Cidadá unida contra os recortes e pola Democracia: Non debemos, non pagamos.

SUBLEMA: # 23-F: Marea Cidadá contra o golpe dos mercados.

Non ao golpe de estado financieiro, non debemos, non pagamos.

Pola xusticia social e ambiental.

Pola trasparencia e democracia participativa.

En defensa duns servicios públicos e universais.

Por unha auditoría cidadá da débeda, contra a débeda ilexítima.

Polo noso futuro, polas nosas vidas.... defendamos os servizos públicos!

A PRIVATIZACIÓN, TAMÉN É CORRUPCIÓN!!

Convocan e asinan:

Acábase de abrir o prazo de inscrición do Xanela Aberta ó Sur 2013, o programa de Educación para o Ecodesenvolvemento que AMARANTE realiza tódolos anos, e que che permite coñecer de primeira man o traballo de cooperación entre organizacións que loitan pola xustiza social e visitalas en Brasil, Marrocos ou Ecuador para compartir o seu traballo durante os meses de verán.

E para que vexas e escoites algunhas das experiencias, convidámoste a vir a unha das charlas de difusión que realizarán algunhas das persoas que viaxaron co Xanela a estos países o ano pasado:

- PRESENTACION DO XANELA ABERTA Ó SUR 2013 EN PONTEVEDRA -

Sábado 16 de Febreiro, ás 18:00 horas

Local de Amarante (R/ San Román, 9)

O período de inscrición será dende o 1 de febreiro ata o 14 de marzo, e podes facelo a través do correo Este enderezo de correo-e está a ser protexido de robots spamers, precisas activar o JavaScript para velo , ou nos teléfonos 981 584 713  / 986 848 159.

Podes ver máis información aquí, ou no Blog do Xanela.

E tamén podes descargar o folleto.

"O proxecto educativo do Xanela Aberta ao Sur pretende propiciar un espazo de encontro, reflexión e debate que permita un achegamento, tanto ás realidades dos países do Sur como á propia realidade no Norte, para contribuír, a través dunha participación activa, ao desenvolvemento persoal e á formación dunha conciencia crítica e transformadora"

Vémonos en AMARANTE !!!

AMARANTE Setem presenta en Pontevedra a súa campaña de Nadal que, este ano, baixo o título “A Economía Solidaria, un modelo fronte a crise”, quere achegar á cidadanía outro xeito de consumo e outra maneira de entender a economía que supón a mellor alternativa para se enfrontar á crise económica, social e ambiental que estamos a vivir.

No contexto actual de crise do sistema, recortes sociais e explotación do medio ambiente e das persoas, hai moitas outras maneiras de xestionar a sociedade e a contorna. Hoxe existen miles de prácticas económicas que operan cunha racionalidade diferente do capitalismo, poñendo a economía ao servizo das persoas, e non ao revés, e que xurden como unha seguridade de supervivencia en tempos de crise e que logo se consolidan máis alá desta situación.

Para achegar todas estas iniciativas de éxito da Economía Solidaria, propoñer outro modelo de consumo en Nadal e promover agasallos solidarios, en Pontevedra realizaremos estas actividades:

AMARANTE Pontevedra celebrará un MERCADO TRANSPARENTE na Praza de Ourense (ó lado da Peregrina), este sábado 17 de Novembro, das 11h ás 14h.

Participarán neste mercado o Grupo de Consumo Responsable de Pontevedra "A Gradicela", o Sindicato Labrego Galego (SLG) e máis produtoras/es galegas/os que colaborarán con AMARANTE vendendo os seus produtos naturais, frescos e envasados e dando información sobre as características de este tipo de consumo, ético e consciente e as diferentes alternativas ás que podemos acceder como consumidoras e consumidores responsables.

Tamén se celebrará ó mesmo tempo un MERCADO DE TROCO, para que poidas “conseguir aquilo que precises a cambio do que xa non usas”. Hai que lembrarse de levar algo para cambiar por outra cousa que poida interesar (libros, roupa, xoguetes... etc), xa que nesta actividade NON se usa o diñeiro como material de intercambio.