Moitas gañas de sacar adiante o proxecto. Montse, Charo, Alex, Camilo, Irene, María, María Xosé, Pablo, e Nanda e Xoán pola directiva; reuníanse o pasado luns 30 de novembro nunha asemblea extraordinaria de Amarante-Ourense para valorar a situación do grupo e marcarse novos obxectivos.

A reunión estaba marcada pola mala situación financeira que atravesa a tenda que nos fixo adecuar a nosa estrutura a un plantexamento menos profesional ( en consonancia co plantexamento no que vimos traballando nos últimos tempos en Amarante ).

Valorouse positivo en termos xerais estes dous anos de traballo xa que partindo de cero fomos capaces de asentar un grupo importante cunha repercusión social na cidade pero situouse como elementos a modificar a situación da tenda e o fortalecemento don oso traballo común con Verdegaia.

Desde aquí queremos agradecer a Víctor Barro o traballo feito e animar á nova técnica local, Irene Álvarez, no traballo que lle espera

Novo Horario da Tenda: a tenda de Ourense abrira de lúns a venres de 11,30 a 13,30 horas pola maña e de 17,30 a 20,30 horas pola tarde.

O grupo de activistas vaixe a poñer a traballar na campaña de Comercio Xusto en nadal. Informaremos nesta web.